Eg kika litt i webstatistikken for webdesign bloggen min og fann ut at mange søker etter CSS bøker, utan at eg har skrive noko som helst om CSS bøker! Dette må eg endre på så her presenterar eg nokre av dei CSS bøkene eg har lese  og synes er gode bøker for å lære seg meir CSS. Mange tenkjer at CSS ikkje er noko ein treng å lære frå bøker, ein finn jo mange gode artiklar om CSS på nettet. Men CSS bøker er som oftast bygd opp meir heilhetleg enn det sporadiske artiklar er. Det finnes ikkje nokre spesielt gode bøker om CSS på norsk, iallefall ikkje som eg veit om.

Bulletproof Web Design

God bok om XHTML og CSS, frå Dan Cederholm. Boka har mange praktiske og fleksible eksempel som gjer at dine webdesign blir “skuddsikre”.

Web Standards Solutions: Second Edition

Denne boka har eg ikkje lese sjølv, men ein anna webentusiast frå Stord anbefalar ho, så då må den være bra. Det er også Dan Cederholm som har skrive denne boka så eg antek at denne boka passar bra i hop med Bulletproof Web Design boka.

HTML Utopia: Designing Without Tables Using CSS

For mange år sidan måtte eg endre måten eg bygde nettsider på frå bruk av tabellar og “spacer-gifs” til dei skumle og ukjende “divane”. Då var denne boka ei god støtte å ha på ferda. Og denne kan anbefalst om du er vant til å bygge nettsider “old-school” og ynskjer å ta i bruk moderne teknikkar med XHTML og CSS.

Vonar at bøkene er til hjelp for dei som måtte trenge bra CSS bøker. Har nokon andre tips, skriv gjerne ein kommentar under

Ein kjem stadig over bloggar som er minalistiske, det som ofte går igjen er fargen kvit ( dette er forøvrig noko ein ser mykje av innan norsk webdesign for tida), mykje luft(whitespace), gjennomført typografi og eit overhengande fokus på å presentera innhaldet utan forstyrrande element. Devlounge har gjennomført ei lita undersøking blant 23 av dei mest anarkjente minimalistiske bloggane. Eg tenkte å vidareformidla resultata kort oppsummert på norsk.Her er dei minimalistiske bloggane som var under lupa:

• Absenter
  
• Astheria
• Binary Bonsai
• Daring Fireball
• Hivelogic
• Inca Un Calator
• Indie Labs Blog
• Jon Tan
• Justin Blanton
• Maniacal Rage
• Maxvoltar
• Root Apex
• Shaun Inman
• Wilson Miner
• Write Hype

Kva kjenneteikner dei minimalistiske bloggane?

Dei fleste hadde menyar på bloggane, men dei var svært minimale. Det gjekk stort sett i sidene: “forside”, “om” og “arkiv”. Nokre hadde også med “kontakt”, men mange kutta ut også denne viktige sida.

Fleirtalet viste 7 artiklar på forsida, som er mindre enn ein ofte ser på meir tradisjonelle bloggar.

Widgets er ut! Widgets er det som ein typisk ser i ei kollone som ligg utanfor det vanlege innhaldsområdet, og inneheld typisk: “Siste kommentarar”, “Siste artiklar” og “Taggar”. Dette er funksjonar som dei minimalistiske bloggane med stort fleirtal unngjekk.

Avatarer og sosialebokmerker var også fjerna på dei fleste, noko som mange ser på som viktige funksjonar for å skape eit miljø rundt ein blogg.

Dei er flotte å sjå på samtlige av bloggane, disse bloggane er bloggar ein utvilsomt er innom 1 gong, grunna publisitet i webdesigngalleri. Men kjem ein attende, eller har dei fjerna for mange funksjonar som blogglesarar forventar av ein blogg til at det blir aktuelt med fleire besøk?

Kanskje eg kan spisse spørsmålet litt: “Er denne trenden optimal for bloggmediet?”

Nokon Kvittra meg om Cúfon ein ny metode for å inkludere spesialfontar i webdesign. Tidlegare har jo sIFR hatt monopol på å benytte trykkfonter på overskrifter og liknande på nettsider. Men sIFR er og blir litt tungvint å implentera i webdesign, ein må til dømes inn i Flash for å klargjere fontfilene før dei kan brukast.

Men Cúfon verkar mykje enklare å implementera, og framstår som eit godt sIFR alternativ. Eg har testa det på bloggen her no, med “Helvetica Neue Ultra Light”. Denne fonten har alltid vore tiltenkt som font i overskriftene, men eg orka ikkje å byrje på nok ein sIFR implementasjon (ikkje at det er forferdeleg mykje jobb, det er berre litt “tetak”). No har eg ila. 30 minutt lese det eg treng å vite om Cúfon, lasta ned javascriptet, generert fontfiler og implementert det i bloggdesignet. 30 min. frå start til slutt på å installere, implementere og teste “text-replacement-script” det kan ein like!

Cúfon baserar seg på javascript og rendringa til nettlesarane i staden for flash-rendring slik som sIFR gjer det. Og er støtta av følgjande nettlesarar* (visse avvik sjølvsagt):

• Internet Explorer 6, 7 and 8
• Mozilla Firefox 1.5+
• Safari 3+
• Opera 9.5+
• Google Chrome

Korleis installerar ein Cúfon?

1. Last ned scriptet
   Det vert anbefalt å bruke den komprimerte versjonen av scriptet
2. Generer fontfiler ved å laste opp dine filer og køyre dei gjennom generatoren til Cúfon.
   Hugs å sjekke rettighetane for implementering på internett for fonten din før du laster opp.
3. Last opp cufon.js-fila og din-font-fil.font.js-fila til nettsida di
4. Inkluder javascriptene i <head>-seksjonen i filene dine
5. Oppdater nettsida di.

Kan noko so enkelt verkeleg ha teke 3o min?! Dette brukte eg omlag 30 min. på første gong eg testa det

Men eg har 2 ting som eg ikkje var nøgd med.

1. Lastinga, det tek litt lang tid før den “bytter” fontent din frå standard webfont til spesialfonten. (omlag 1 sek)
2. Den lagar innrykk(på 3-5px)  i 1. linja til overskriftene i Firefox

Punkt 1 blir forhåpentleg forbetra, kanskje det tom. er noko eg har gått glipp av i dokumentasjonen?
Punkt 2 kan være noko i stilsettet til bloggen min, dette skal eg prøve å sjekke opp i kjapt.

Dette er på ingen måte ein grundig test av Cufon, men ein kort introduksjon og test frå mi side. Kom gjerne med dykkar tilbakemeldingar på Cufon her. Eg vil ha den installert på bloggen i minst. 1 månad, med mindre noko er frykteleg gale for nokre av brukarane..

Les meir om Cúfon her
Generer Cúfon fontfiler her

Eg skreiv for ei tid sidan “PHP knuser andre programmeringsspråk” basert på undersøkinga “The state of the web 2008″. I dag las eg på Computerworld at nok ei undersøking stadfestar det same, utviklarar likar best å jobbe i PHP.

Les artikkelen til Computerworld her og kik på undersøkinga sjølv her

Eg har i det siste jobba med lage samlande nettside for webdesign i Noreg. Det finnes jo altfor mange webdesign galleri frå før, men eg saknar stadig eit galleri for norsk webdesign eller webdesign frå Noreg.

Dette behovet er no kokt i hop til Webdesignmagasinet, BETA versjonen er klar sånn omtrent. Det gjenstår litt arbeid med å få til automatisk generering av skjermskudd. Men det fungerar manuelt bra slik det er no.

Eg håpar at du tek deg tida til å kike innom, teste litt og gi tilbakemeldingar på kva som fungerar bra og kva som fungerar mindre bra (funksjon, konsept og visuelt).

Og tips for all del om bra webdesign i norge, det er jo fordi det er så vanskeleg å finne bra norsk webdesign at webdesignmagasinet er satt i gong. Og me slit litt med å finne alle godbitane der ute..

Det er mykje snakk om webdesign på bloggen min, men det er lite å vise til når det gjeld prosjekter eg jobbar på. Men no har eg altså endeleg blitt ferdig med eit av mine “sideprosjekt” frå 2008  – nye nettsider til møbeldesignaren Olav Eldøy.

“Papen” har fått nye nettsider som profilerar både nye og eldre produkt betre enn dei forrige nettsidene gjorde. Det er lagt vekt på å vise fram produkta ved å velgje eit tidlaust og minimalistisk uttrykk på nettsidene. For å presentera produkta størst mogleg på ulike skjermar er det også lagt inn skalerande bileter som justerar seg etter skjermstorleiken, samt ei visuell og artig navigering for å gjere det enkelt å navigere mellom produkta.

Eg har benytta prosjektet som ei fin anledning til å børste litt støv av flash-mediet, noko me ikkje har spesielt fokus på der eg jobbar med webdesign frå dag til dag.

Besøk Møbeldesigner Olav Eldøy på www.eldoy.no

Kom gjerne med kommentarar på nettsida.

Folka bak SXSW konferansen har avhelde ei spørjeundersøking i web-bransjen, undersøkinga var open i 3 veker, og over 1200 deltok. No er resultata lagt ut på nettet, les nokre utdrag og dei komplette resultata her.

Det er mykje spanande lesing i resultata av undersøkinga. For eksempel 1.22% av alle som jobber i industrien, bruker IE6 som hovudnettlesar! Gamle “gode” HTML har fortsatt ca 20% som heller brukar det i staden for XHTML. Positivt at antallet på personar som validerar sidene sine er oppe på 36%. Og jQuery ser ut til å bli industristandard for Javascript på nettet. Og eit slag i trynet for alle som meinar at PHP er på veg ut, 63% brukar PHP som utviklingsspråk for systemtuvikling for nettet (webutvikling?).

Det er sjølvsagt berre eit lite utdrag av bransjen, men eg kjenner meg iallefall igjen i mange av resultata her.

Les alle resultata her

220 gratis Photoshop layer styles

Her er ei “kollosal” samling av layer styles til photoshop, som kan være “timesaver” av og til.

Pattern Tap 

Fin inspirasjonsside som kategoriserar og presenterar ulike brukargrensesnitt-element som til dømes: 404-sider, kommetarfelt, menyar + +

Logo of the day

Ny inspiarasjonsside for logo- og indentitetsdesign.

Offisiell guide for søkemotoroptimalisering frå Google

Denne har vel flittige lesarar fått med seg, men dette er utvilsomt noko av det meir interessante som er kome ut i pdf-form denne månaden. 

23 juleikonsett

November er månaden for å ta julepynten inn igjen på skrivebordet klar til å pynte kundar sine julekort og nettsider til desembermånaden. Då kjem nokre juleikon godt med.

99 designs

Designkonkurransar. Treng du design til noko eller vil du designa noko? 99 designs er ei nettside som presenterar designkonkurransar du kan sende inn forslag til. Men det er ikkje dette eg tykkjer er interessant med denne nettsida. Det interessante er at du kan finne ganske mykje inspirasjon ved å kike på konkurransebidraga.

Må også ta med “Knask på ein fredag” som har endo fleire “nettfunn” frå november.

Eg tykkjer alltid det interessant å sjå kva verktøy og metodar andre webdesignerar brukar. Så her kjem mine topp-10 mest brukte og nyttige verktøy i min jobb som webdesigner.

1. Firefox

Mitt første val for nettleserar, Firefox er utvilsomt den det er kjekkast å kode ei nettside til. Og i kombinasjon med to viktige programtillegg: Firebug og Web Developer blir det eit svært nyttig verktøy til å feilsøke kode og kle av ei nettside ned til minste detalj. Last ned Firefox her om du ikkje alt brukar den!

2. Internet Explorer

Mitt siste val av nettlesar, lite intuitiv, ustabil og full av overbeskyttande sikkerhetsfunksjonar som hemmar surfegleda mi. Men det er nok den viktigaste nettlesaren ein kan ha om ein skal drive med webdesign. Internet Explorer troner framleis over dei andre nettlesarane blant brukarar flest, og vil nok gjere det så lenge Microsoft er markedsleiar på operativsystem. Derfor må nettsida du lagar fungere i denne nettlesaren. Og det er ofte litt frustrerande –  særskild IE 6, IE 7 er betre og IE 8 virkar lovande, men det  tar nok nokre år før versjon 8 er den mest brukte nettlesaren blant IE brukarane.

3. Safari

På dei fleste prosjekta eg jobbar med er det safari so kjem som nummer 3 blant nettlesarane til brukarane. Eit tips for å feilsøke i Safari er å låse opp Safari sin eigen “debugger”. Den minnar om Firebug og er integrert i Safari men den må låsast opp først. Du kan lese korleis du låser opp debug i safari her.

4. Opera

Opera er den nettlesaren som oftast ligg på 4. plass. Sjå øvrige punkter.. Og ja, no er eg ferdig å ramse opp nettlesarar. Men enn må ha dei store nettlesarane og teste nettsidene frå start til slutt for å skape  webdesign som held mål.

5. Blyant og papir

Genialt enkle verktøy som mennesker har brukt i lang tid. Dei fleste gode webdesign startar som enkle blyantstrekar på eit papir. Frimerkeskisser er ein god start, då skisser ein alle ideane ein kjem på når ein går i gong med eit prosjekt som små skisser på mlag 3x4cm. Deretter lagar eg meir detaljert skisse av dei frimerkeskissene ein tenkjer at fungerte. For å byrje rett i eit grafisk-program som photoshop og likande på ein datamaskin er ofte hemmande for den kreative starten i eit prosjekt.

6. Illustrator

Dersom ein skal forsikre seg om at nettsida blir optimalt bør ein ta steget over i Adobe Illustrator for å reinteikne skissene meir konkret som “wireframes” eller strukturskisser. Dette er eit godt utgangspunkt for å være sikker på at ein får med den riktige informasjonen som er viktig å få med. Mot kundar er det også supert med tanke på at dei ikkje heng seg opp i at “knappane er grønne” sjølv om kunden likar betre “raude knappar”. Og ein sparar faktisk tid på kor ting skal være når ein går i gong med det detaljerte designforslaget.

7. Photoshop

Det detaljerte designforslaget lagar eg utelukkande i photoshop. Det er det “fotoredigeringsprogrammet” eg har brukt heilt sidan Photoshop 4.0 i 1998(?) så det er for meg utenkeleg å bruke andre verktøy til dette. Men det finnes sikkert gode alternativer til Adobe Photoshop.

8. HTML- & CSS-editor

Her er det mange verktøy å velgje mellom, på jobb brukar me stort sett Dreamweaver, det har eit utmerka “Code-view” som me brukar. Dettte programmet følgjer også med Adobe Design Premium som mange kjøper. Men heime likar eg best TextMate, då det er eit mykje lettare program som ikkje lastar alle dei unødige WYSIWYG-funksjonane til Dreamweaver. Noko min litt eldrande mac tykkjer om. For at eg skal jobbe effektivt er det viktig at det er mange “snippets” (kodesnuttar som du aktiverar med hurtigtaster), og at dei har oppslagsverk på CSS-reglane eg ikkje brukar dagleg. Smultron og Aptana er forresten gode gratis alternativ til TextMate og Dreamweaver.

9. FTP-klient

Når ein er ferdig å planlegge og bygge webdesignet og feilsøkinga i nettlesarane er gjort er det på tide å laste opp “rammeverket” eller malen til nettsida på internett. Her brukar eg Transmit på mac og WinSCP på windows. Dei støttar dei fleste ftp-tilkoblingane og begge to let deg redigere filene på server direkte og enkelt.

10. Publiseringsløsning

Eit heilt uvurderleg verktøy for vellykka webdesign, ei nettside som ikkje held seg oppdatert blir fort ei utdatert nettside. Så å sørge for at kunden eller andre som skal vedlikehalde nettsida har gode verktøy for å publisere innhald på ein ikkje teknisk måte er uvurderleg. Her svergar eg “sjokkerande” nok til publiseringsløsninger me har utvikla på jobb: Argo Publisering til avanserte prosjekter og Argo Start til enklare prosjekter. Dei gir mange avansert moglegheiter i oppsett. Men for kunden er dei like enkle å bruke som å skrive dokumenter i Word eller likanande.

Men dersom du ikkje har budsjett på eit prosjekt og ynskjer å bruke mykje tid å ressursar på å installere og konfigurerer ein publiseringsløsning sjølv, kan eg anbefale WordPress som kan være mykje meir enn berre eit blogg-verktøy.

Og du då?

Håpar du fann det interessant å lese kva eg vektlegg i mine prosessar. Del gjerne dine eigne synspunkt og unnværlige verktøy:

Plutseleg såg eg det, eg anar ikkje kor lenge det har vore slik men eg trur ikkje det er så lenge. Dagbladet.no har redesigna webdesignet på nettavisa si. Det er noko blått øverst på nettsida, og nokre nye knappar ein kan skifte bakgrunnsfarge med. Rimeleg unyttig tykkjer eg akkurat disse knappane, eg ville heller hatt knappar for å gjere bredden større eller fjerne annonser, litt vel håpefull den siste der.

Men dei let deg altså berre endre bakgrunnen til høgre, lyse grå, grå, gråare – BLÅ! Eg velgjer å tru at dei planlegg å bli ei “blå” avis og tek det forsiktig, med å antyde den nye kursen på menyar og kanskje tom. sjekke kor mange som vil ha blå bakgrunn. Enden på visa blir nok et blått Dagbladet. 

Eller er dette berre for å gi oss eit frampeik på ei nettavis som let brukarane tilpassa korleis dei skal bruke ho?