Ja eg føler det iallefall slik med min blogg, etter at eg blei aktiv på Twitter så har behovet for å dele ting via min eigen blogg forsvunne. Twitter er ikkje for meg slik som det blir framstilt i media – som ei teneste der folk sit å delar meiningslause ting som “Tenner meg en røyk”, “Spiser lunsj” osv. nei Twitter er mi største kjelde til informasjon om kva som bevegar seg på nettet.  Før eg byrja med Twitter besøkte bloggar og diskusjonsforum for å få med meg den siste informasjonen om webdesign og internettmarkedsføring, men no er det slutt på den daglege bloggrutinen min. Informasjonen kjem først på Twitter alikevel. Men tanken slår meg, er det nok å berre følge med på Twitter og stole på at dei eg følg der kjem til å kvitre om det som er verdt å kike på? Eller snevrar Twitter inn mangfoldet?

Når det gjeld min eigen blogg så brukte eg den til å dele ting eg fann på nettet og mine eigne synspunkt på webdesign, men dette gjer eg no på Twitter og det dekkar behovet mitt for “offentleg” ytring. Eg satt gjerne 2 timar og finpussa på kvar artikkel før eg publiserar den på bloggen, og i Twitter-tid er jo 2 timar nok til at artikkelen din er gamalt nytt. Så eg har ikkje sett vitsen i å lage artiklar på ting eg har kome over dei siste månadane, men følg med på Twitter der har eg stadig nokre tips om webdesign og liknande..

Fleire som opplever nedgang i bloggaktivitet etter Twitter?