Eg tykkjer alltid det interessant å sjå kva verktøy og metodar andre webdesignerar brukar. Så her kjem mine topp-10 mest brukte og nyttige verktøy i min jobb som webdesigner.

1. Firefox

Mitt første val for nettleserar, Firefox er utvilsomt den det er kjekkast å kode ei nettside til. Og i kombinasjon med to viktige programtillegg: Firebug og Web Developer blir det eit svært nyttig verktøy til å feilsøke kode og kle av ei nettside ned til minste detalj. Last ned Firefox her om du ikkje alt brukar den!

2. Internet Explorer

Mitt siste val av nettlesar, lite intuitiv, ustabil og full av overbeskyttande sikkerhetsfunksjonar som hemmar surfegleda mi. Men det er nok den viktigaste nettlesaren ein kan ha om ein skal drive med webdesign. Internet Explorer troner framleis over dei andre nettlesarane blant brukarar flest, og vil nok gjere det så lenge Microsoft er markedsleiar på operativsystem. Derfor må nettsida du lagar fungere i denne nettlesaren. Og det er ofte litt frustrerande –  særskild IE 6, IE 7 er betre og IE 8 virkar lovande, men det  tar nok nokre år før versjon 8 er den mest brukte nettlesaren blant IE brukarane.

3. Safari

På dei fleste prosjekta eg jobbar med er det safari so kjem som nummer 3 blant nettlesarane til brukarane. Eit tips for å feilsøke i Safari er å låse opp Safari sin eigen “debugger”. Den minnar om Firebug og er integrert i Safari men den må låsast opp først. Du kan lese korleis du låser opp debug i safari her.

4. Opera

Opera er den nettlesaren som oftast ligg på 4. plass. Sjå øvrige punkter.. Og ja, no er eg ferdig å ramse opp nettlesarar. Men enn må ha dei store nettlesarane og teste nettsidene frå start til slutt for å skape  webdesign som held mål.

5. Blyant og papir

Genialt enkle verktøy som mennesker har brukt i lang tid. Dei fleste gode webdesign startar som enkle blyantstrekar på eit papir. Frimerkeskisser er ein god start, då skisser ein alle ideane ein kjem på når ein går i gong med eit prosjekt som små skisser på mlag 3x4cm. Deretter lagar eg meir detaljert skisse av dei frimerkeskissene ein tenkjer at fungerte. For å byrje rett i eit grafisk-program som photoshop og likande på ein datamaskin er ofte hemmande for den kreative starten i eit prosjekt.

6. Illustrator

Dersom ein skal forsikre seg om at nettsida blir optimalt bør ein ta steget over i Adobe Illustrator for å reinteikne skissene meir konkret som “wireframes” eller strukturskisser. Dette er eit godt utgangspunkt for å være sikker på at ein får med den riktige informasjonen som er viktig å få med. Mot kundar er det også supert med tanke på at dei ikkje heng seg opp i at “knappane er grønne” sjølv om kunden likar betre “raude knappar”. Og ein sparar faktisk tid på kor ting skal være når ein går i gong med det detaljerte designforslaget.

7. Photoshop

Det detaljerte designforslaget lagar eg utelukkande i photoshop. Det er det “fotoredigeringsprogrammet” eg har brukt heilt sidan Photoshop 4.0 i 1998(?) så det er for meg utenkeleg å bruke andre verktøy til dette. Men det finnes sikkert gode alternativer til Adobe Photoshop.

8. HTML- & CSS-editor

Her er det mange verktøy å velgje mellom, på jobb brukar me stort sett Dreamweaver, det har eit utmerka “Code-view” som me brukar. Dettte programmet følgjer også med Adobe Design Premium som mange kjøper. Men heime likar eg best TextMate, då det er eit mykje lettare program som ikkje lastar alle dei unødige WYSIWYG-funksjonane til Dreamweaver. Noko min litt eldrande mac tykkjer om. For at eg skal jobbe effektivt er det viktig at det er mange “snippets” (kodesnuttar som du aktiverar med hurtigtaster), og at dei har oppslagsverk på CSS-reglane eg ikkje brukar dagleg. Smultron og Aptana er forresten gode gratis alternativ til TextMate og Dreamweaver.

9. FTP-klient

Når ein er ferdig å planlegge og bygge webdesignet og feilsøkinga i nettlesarane er gjort er det på tide å laste opp “rammeverket” eller malen til nettsida på internett. Her brukar eg Transmit på mac og WinSCP på windows. Dei støttar dei fleste ftp-tilkoblingane og begge to let deg redigere filene på server direkte og enkelt.

10. Publiseringsløsning

Eit heilt uvurderleg verktøy for vellykka webdesign, ei nettside som ikkje held seg oppdatert blir fort ei utdatert nettside. Så å sørge for at kunden eller andre som skal vedlikehalde nettsida har gode verktøy for å publisere innhald på ein ikkje teknisk måte er uvurderleg. Her svergar eg “sjokkerande” nok til publiseringsløsninger me har utvikla på jobb: Argo Publisering til avanserte prosjekter og Argo Start til enklare prosjekter. Dei gir mange avansert moglegheiter i oppsett. Men for kunden er dei like enkle å bruke som å skrive dokumenter i Word eller likanande.

Men dersom du ikkje har budsjett på eit prosjekt og ynskjer å bruke mykje tid å ressursar på å installere og konfigurerer ein publiseringsløsning sjølv, kan eg anbefale WordPress som kan være mykje meir enn berre eit blogg-verktøy.

Og du då?

Håpar du fann det interessant å lese kva eg vektlegg i mine prosessar. Del gjerne dine eigne synspunkt og unnværlige verktøy:

Eg kom over ein artig artikkel i BusinessWeek for nokre veker sidan, og tenkte at eg skulle dele den med det norske webdesign miljøet. Men i staden for å berre sende ei lenkje, oversette eg den like godt (nokså fritt) til norsk. De kan lese original artikkelen her: The 10 commandments of Web Design

Artikkelen har mange gode punkter, og enkelte som kanskje ikkje er like viktige; de får avgjere sjølve.

1. Du skal ikkje misbruka Flash

Adobes populære webanimasjonsteknologi kan køyre alt frå store overdådige webkampanjar for dei største merkevarene, til masseproduserte, og til dels irriterande, bannerannonser for “kiosken på hjørna”. Teknologien kan dog lett bli overdriven, med unødvendig animasjon som forstyrrar brukarvennlegheten og senkar brukaropplevinga.

2. Du skal ikkje gøyma innhaldet

Mange nettstader er avhengige av annonseinntekter for å overleve. Men brukarvennlighetsforskarar hevdar at popup-vindauger og annonser i full-skjerm øydelegg for innhaldet og aukar sjansen for at brukaren ikkje kjem attende. Bruk heller annonser som må aktiverast av brukaren, disse forstyrrar brukaropplevinga mindre.

3. Du skal ikkje rota

Internett er kanskje tidenes største arkiv, men nettstader med lite orden og dårleg struktur på innhaldet gjer det vanskeleg å finne fram i mengda. Amazon.com og andre store informasjonsportalar vektlegg informasjonstruktur sterkast på prioriteringslista for design.

4. Du skal ikkje overdriva bruken av glassrefleksjonar

Apple set ofte standarden for kva som er “stilig” og “kult” innan design. Men enkelte hevdar at deira bruk av “glassrefleksjonar” under produktbileta er no blitt hyppig kopiert og dermed gjort effekten til en klisjé.

5. Du skal ikkje namnngi di web 2.0 teneste med for mange eller for få vokalar

“Web 2.0″-bølga har teke med seg ein sær ordlyd når det gjeld namngiving. “Hippe” og “kule” nettstader har ofte hatt namn med for mange vokalar eller strategisk fjerna vokalar i ordet, to dømer: Flickr og Meebo. Namna er originale, men er dømde til å høyres utdaterte ut.

6. Du skal tilbe typografiens alter

Sjølv om breiband har blitt stadig meir utbredt og ein ikkje lenger treng å stille strenge krav til størrelsen på grafikk og video på internett, har rein tekst fått vind i segla i det siste. Sider som Craigslist leier an i bruken av rein tekst, medan designorienterte nettsider som Coudal Partners og Daring Fireball representerar spydspissane innan webdesign trenda.

7. Du skal skape ei oppslukande oppleving

Å berre lage webdesign som ser bra ut er ikkje lenger godt nok. Sider som Facebook og Youtube tiltrekker seg store mengder besøkande grunna deira kombinasjon av overveldande innhald og funksjonalitet. Å skape ei nettside som både fangar og held på besøkjaren sin oppmerksomhet er det viktigaste du gjer.

8. Du skal være sosial

“Web 2.0″ er overalt, det som starta med MySpace, Facebook og liknande “web 2.0″-tenester er ikkje lenger forbeholdt reine sosiale nettportalar. No er det bruk av brukargenerert innhald i alt frå “smarte” kampanjenettsider til smarte nettaplikasjonar for næringslivet.

9.  Du skal omfavna nye konvensjonar

Wikipedia, YouTube, Facebook og liknande nettsider er blitt ein del av vår daglege rutine. Ved å ta i bruk element frå disse “rutinenettsidene” kan dette føre til at brukaren finn større meining i nettsida, då han kjenner seg i brukargrensesnittet.

10. Du skal gjere innhald til kongen (content is king)

Slagordet er gamalt, men det held stand framleis! Estetikk kan berre kome så lagt, estetikk kan ikkje vege opp for at ei nettside ikkje har innald.