VG Nett informerar i disse dagar annonsørane sine om den nye forsida til vg.no som får nytt design tirsdag den 24. november. Dei opplysar også at artikkelsidene vil inntil vidare være de samme. Du kan få ei forsmak på nye vg.no i ein presentasjon dei publiserte på VG Annonseinfo under overskrifta: “Velkommen til et bredere VG Nett!” Her følgjer nokre utdrag frå presentasjonen og mine tankar kring nye vg.no:

Bredda vert no endra frå 800px(sjå under) til 1200px(sjå over)

Dei tek vekk sidestolpen til venstre, og fordelt tema navigeringa til toppen og ein breiare sidestolpe til høgre:

Dei endrar også på mange av annonseformata sine, Netboard får ny størrelse 580*500. Og dei tilbyr “Sticky”-annonser

Sjå meir om nye VG-Nett på VG Annonseinfo. Denne informasjonen er no fjerna frå VG Annonseinfo.

For meg framstår framleis VG som ei uoversikteleg og rotete nettavis. Ein skulle nesten tru det var kvadratmeter-pris på nettsida. Men sakene har fått litt betre plass, ved at venstre sidestolpe er fjerna. Men ved å bruka meir luft i designet ville det heile sitt meir oversikteleg ut. Det er kanskje oppskrifta for å få nøgde annonsørar – å lage alt like støyande, slik at det er vanskeleg for brukarane å skille mellom redaksjonelt innhald og annonser.

Edit: No er den nye fronten til VG Nett på plass, les meir om den hos VG.no

Plutseleg såg eg det, eg anar ikkje kor lenge det har vore slik men eg trur ikkje det er så lenge. Dagbladet.no har redesigna webdesignet på nettavisa si. Det er noko blått øverst på nettsida, og nokre nye knappar ein kan skifte bakgrunnsfarge med. Rimeleg unyttig tykkjer eg akkurat disse knappane, eg ville heller hatt knappar for å gjere bredden større eller fjerne annonser, litt vel håpefull den siste der.

Men dei let deg altså berre endre bakgrunnen til høgre, lyse grå, grå, gråare – BLÅ! Eg velgjer å tru at dei planlegg å bli ei “blå” avis og tek det forsiktig, med å antyde den nye kursen på menyar og kanskje tom. sjekke kor mange som vil ha blå bakgrunn. Enden på visa blir nok et blått Dagbladet. 

Eller er dette berre for å gi oss eit frampeik på ei nettavis som let brukarane tilpassa korleis dei skal bruke ho?

WordPress har akkurat publisert nye bileter som viser redesignet av brukergrensesnittet som vil følge med 2.7 oppgraderingen. Dei har lagt vekt på å få ned sidelastingstida ved å gjere fleire nivå tilgjengelege utan å laste sider på nytt. Dette ser eg fram til, det tek litt unødig tid å gå mellom dei forskjellige stega inne i administrasjonen til WordPress.

Dei har også gitt betre plass vertikalt ved å legge all navigasjon i ei eigen kollone til venstre. Dette er ei stor endring for WordPress sitt brukergrensesnitt. Så lenge eg har brukt det (sidan 2004 mao.) har alltid navigasjonen vore plassert i ei rad på toppen.

Visuelt ser det heile stadig meir “polert” ut, og dei vert stadig flinkare å ta vare på brukaropplevinga bak publiserinsløsninga deira – gledar meg til dette er ute.

Til dei av dykk som ikkje veit kva WordPress er: WordPress er eit CMS eller ei publiseringsløsning spesielttilrettelagt for bloggar. Men kan med hell og mekking brukast til det meste. Det er den mest populære bloggplattformen for bloggar som er drifta av brukaren sjølv i motsetning til andre bloggplattformar som blogg.no og blogger som er drifta av bloggleverandøren.

Les meir om kva WordPress 2.7 har å by på her